EL SOCO1 MODERNO.
Come Neron, fumando el spagnoleto,
Rampar2 vedeva Roma tuta quanta,
Che no à valso i pompieri col schizzeto
Nè i preti col bugiol de l’aqua santa,
E in quel che tuto andava a tombolon
El solo Culiseo restava in ton,
Vede la musa comica latina
Sta Babilonia de comedie a brazzo,
Che va perdendo ’l stuco e la calcina
E finirà deboto in rovinazzo:3
Ghe passerà su el Tempo co la scova,
Ma eterna resterà la „Casa Nova.“
Si allude allo studio del vero, usato da Carlo Goldoni e negletto dal più dei moderni.
