SIMILE.
SONETTO
Saveu, amigo, perchè son in Occa,
Perchè gò concorrenza con Pagnecca,
Se ghe podesse dar una stralecca,
4Più gusto gaveria, che andar in Cocca;
E siben, che le balle a lù ghe fiocca,
A competenza mia nol ghe ne becca,
Che son un Omo fatto senza pecca,
8Nè m'intendo de pegola, o marocca;
Se la fortuna vuol, che ghe la ficca,
E che 'l mio Concorrente fazza cacca,
11Amigo, un'altra volta se la sticca,
Se nò, mi posso andar a far triacca,
E ch'alle Donne appena ghe la licca,
14Siben, che gnanca questo se fà a macca.
