Pagina:Raccolta universale delle opere di Giorgio Baffo 3.djvu/194

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.


CONSEGGIO PER EL BEN PUBLICO.


SONETTO


Voleu fiorissa l'arti, e le fatture,
    Che vegna a più bon prezzo, e che i artisti
    No sia tanto cattivi, e tanto tristi,
    4Che no i lassa patir le so creature?

Che i daga a tutti giuste le misure,
    Ch'i se possa arricchir, e far acquisti,
    Che i Villani sia tutti ben provisti,
    8E che vaga più ben l'agricolture?

Voleu levar el gran libertinaggio,
    E l'ozio, che ghè in tante, e tante teste,
    11E far, che i forestieri magna l'aggio?

Voleu impedir tante occasion moleste
    De risse, e d'omicidj? Sù coraggio;
    14Fè, che 'l Papa sospenda tante feste.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Raccolta_universale_delle_opere_di_Giorgio_Baffo_3.djvu/194&oldid=60701"