GUSTO DE FARSE MENAR EL CAZZO.
SONETTO
Con rason vive, e giuste a mi me par
D'aver provà, che 'l sia un gran bel solazzo
Quel de menarse da so posta el Cazzo;
4Parlemo ancuò de farselo menar.
Gnanca questo no xe vìa da buttar,
Massime co la Donna gà bon brazzo;
Un gusto ne puol dar buzaronazzo,
8Che ne fazza le viscere sborar.
Ghe xe pò un'altra forma assae curiosa;
E come questa xe più bella, e bona
11Bisogna farla colla so morosa;
Chiapparse a brazzacollo della Dona,
E in tempo, ch'ella a vù tutt'amorosa,
14Ve mena 'l Cazzo, e vù menè la Mona.
