LODA'L PRIMO, CHE S'HÀ MENÀ L'OSELLO.
SONETTO
Sora de tutti voggio lodar quello,
Che senza, che gnessun gabbia insegnà,
Co una natural simplicità
4Xe stà 'l primo, che s'hà menà l'Osello;
Che! Nol merita forse un Capitello?
Altro, che chi la Bossola hà trovà!
Le gran benedizion sò, che gò dà,
8Me l'arrecordo, insina da puttello.
Podevelo pensar cosa più bona?
Trovar una maniera da sborar
11Senza aver de bisogno della Mona?
È vero che, cussì no se puol far
Nè Santi, nè Dottori de Sorbona,
14Ma gnanca se fà zente da piccar.
