INTRODUZIONE.
SONETTO
Ho scritto insin adesso in general
Sulla materia, che xe a tutti nota,
Del bus del Cul, del Cazzo, e della Pota,
4Ancuò voggio tior sù 'n altro messal.
Dei gusti, che se puol tior col Cotal,
E in quante forme voggio far la nota;
Acciò la zente con più gusto fota,
8E fazza delle Donne baccanal.
Almanco in questo el lume de rason,
Se 'l ne dà in tante cose mille affanni,
11El n'abbia da portar consolazion.
Delle bestie gavemo più malanni,
Ma a fotter col trovar niove invenzion
14Vegnimo a ristorar i nostri danni.
