PER AVER VISTO CAGAR A BRAZZI.
SONETTO
Un gran gusto, che hò bù veder a brazzi
A cagar una Donna in t'un'ortaggia,
L'hà fatto una bellissima fortaggia
4Co un Cul, che meritava cento Cazzi.
Co mi vedo a cagar sti gran Culazzi
I baserave, come una medaggia,
Diga pur chi no xe della mia Fraggia,
8Che i xe gusti da porchi, e visdecazzi.
No sò che dir, veder un Culo grasso,
Averto là in do tocchi, a buttar fuora
11Un bel stronzon, e quella Mona abbasso,
El xe un gran colpo d'occhio, che innamora,
Per Dìo, ve zuro, che hò bù tanto spasso,
14Che sarìa là, se là cagasse ancora.
