VALOR D'UN CULO TONDO.
SONETTO
Frà le fortune, che ghe xe a sto Mondo,
La più bella fortuna a mi me par,
Che la sìa quella, co se puol trovar
4Una Donna, che gabbia el Culo tondo.
Un Culo, che sia fatto a Mappamondo,
El val tanto oro, che se puol pagar,
E quando, che 'l se possa buzarar,
8El xe un Paese, che no ghe 'l secondo.
Là xe, dove và al fresco i Porporati,
Dove i mette el so ben, e la so cura;
11E se no fusse 'l Culo grami i Frati;
Un Culo de sta sferica figura
Mi lo buzararave a tutti i pati,
14S'anca me fasse'l Diavolo paura.
