Sta pagina la xe stà trascrita, ma la gà ancora da vegner rileta.
E tra l'indigeno,
Tra el forestier,
Solievo ai spiriti
Lu pol aver.
Quel che nei talari
Loga i so affetti,
Li conta, e in gringola
Fa castelletti.
Li lustra, i separa,
Li basa, e po
In cassa subito,
Li butta zo.
Quel che per metodo,
Fa l'usurer,
Assiduo in dialogo
Sta col sanser.
E sempre medita
Per torse spasso,
A quel possibile
Stoco più grasso.