Pagina:Raccolta di poesie in dialetto veneziano 1845.djvu/312

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.


LA VERITÀ.


Dea venerabile
     Ma disgraziada
     Con i filosofi
     Un dì cubiada
     5Gera teribile
     La Verità.
Ma a l'uman genere
     La disgustava,
     E grandi e picoli
     10La maltratava,
     E no voi dirvelo
     Chi l'à atacà.
De quei filosofi
     Cubiai co ela
     15Chi è morto martire,
     Chi à fato vela;
     Xe stai pochissimi
     Quei che à campà.
Povera diavola!
     20Da tuti odiada
     Da Giove subito
     La xe tornada,
     E lagni e supliche
     La ga portà.
25Lu prevedendose
     De aver in cielo
     Sta so dea pitima
     Sempre con elo,
     Se un dio pol esserlo,
     30El s'à irabià:
«Mo via, petegola,
     Dise el tonante,
     Per cossa farmene
     Tante e po tante,
     35E comprometerme
     De qua e de là?
Su ne l'empireo
     Ti a buo a negarme,
     E i mii condomini
     40A maltratarme;

     Te mando ai omeni
     Pezo ti fa?
Za da la rabia
     Te mazzaria,
     45Ma ti è impassibile,
     E ti è fia mia;
     Pur pena debita
     Ti porterà.
Va in tera subito,
     50E co la boca
     De tuti i stolidi
     Parla e taroca.»
     E quel proverbio,
     Che à dominà
55Per tanti secoli,
     Per ani anorum,
     In ore abundat
     Risus stultorum,
     Per sta catastrofe
     60Xe stà cambià.



LA GALINA E I PULESINI.


Del mondo in una età
     Una brava galina avea coà
     Varie spezie de vovi
     Per grandi ogeti e novi;
     5E da quei gera nato
     Squasi tuti in un trato
     I so bei pulesini,
     Che gera picinini,
     Oh bela! apena nati,
     10Ma tuti spiritosi e squasi mati.
     Apena che i à podesto saltuzzar
     Tuti un progeto a parte à buo formar.
     «Stago su sto morer,
     Questo sarà el mio aver,»
     15Uno diseva; e st'altro: «In sto formento
     Sarà el mio regno, e vivarò contento.»
     Chi aveva una montagna, chi un boscheto
     Chi un bel pra, chi un lagheto;
     Infin chi qua, chi là
     20I s'aveva isolà.
     Guai chi avesse parlà

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Raccolta_di_poesie_in_dialetto_veneziano_1845.djvu/312&oldid=70214"