Pagina:Raccolta di poesie in dialetto veneziano 1845.djvu/243

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.


No li vede nissun; e tanto pezo!
     60Nissun mete de mezo, i fa massacro,
     A furia de peae, de l'osso sacro
     Sora tutto i se strazza, i se despianta
     Quel resto de cavei: tuti cinquanta.
Ma quelo mo da Fiesso a quel da Stra
     65Dà una peada là dove no digo
     E zo a gambe levae buta l'amigo;
     Po spica un salto, e sel tol su co boria
     El premio ben pagà de la vitoria...
Cussì, de i do pelai, quelo gà 'l cesto
     70Sfracassà, in pezzi; e questo ansa da can:
     E saveu cossa ch'el se trova in man?
     Un petene de nacre bien travaillé
     Da restaurarse i bucoli e 'l topè.
Prima de barufar, esaminè,
     75Feve romper el muso alegramente
     Ma sapiè, almanco, poferdìo, perchè.



LA TORDINA E I TORDINOTI.


          Vestio da festa, in gringola
               Sponta dal mar el zorno,
               Ragi sbrufando intorno
               Per scialo de splendor.
          5Fin quele giozze limpide
               Che la rosada spreme,
               Lu le converte in geme,
               E brila l'erba e 'l fior.
          Za la colomba rugola
               10Inquieta su la gorna,
               Svola, se pente e torna
               La prole a carezzar.
          Za i passaroti a nuvole
               Sbrega l'aria improvisi,
               15E in bozzoli o divisi
               Va i campi a spulesar.
          Sparpagna l'ara i vilici
               De formenton, de biava,
               Togna le strazze lava,
               20Po le destende al sol.
          Chi porta giande al maschio,
               Chi monze vache in stala,
               Chi la farina zala
               Tamisa su l'albol;

          25Chi va a siegar el rovere,
               Chi buta 'l fen sul caro,
               Chi carga el so somaro,
               Chi giusta el so teler.
          Al so bambozzo stupido
               30Menega dà la teta,
               Pasqua se fa la peta,
               Po stizza su el fogher.
          Vedendo l'ave atorzio
               Che i fiori i ponze e chiuchia,
               35Spessega la so guchia,
               Core Lucieta al miel.
          L'aseno a zampe a l'aria
               Russa la schena in tera,
               Par che 'l dichiari guera
               40A scalzi e pugni al ciel.
          Là, mentre l'oche e l'anare
               Se sguatara in fossato,
               Se smozza l'onge 'l gato,
               Rosega un osso 'l can.
          45Qua la galina celebra
               El so trionfo novo,
               La nascita del vovo
               Col cocodè in sopran.
          Marenda là su l'arzere
               50Pastor, piegore, agneli;
               Pulieri, soraneli
               Pascola in mezzo al pra:
          Qua 'l cazzador se furega
               Quachio tra piante e piante
               55Col so fedel argante,
               Co l'azzalin montà.
Ma in coa del sol, a la lontana via,
     Se va ingrossando un nuvoloto biso.
     Che pien de mata invidia e d'albasia
     60Ga 'l reo pensier de spegazzarghe 'l viso;
     E za da drio de la colina el spia
     Se 'l pol saltarghe adosso a l'improviso,
     E tempestando a so dispeto un'ora
     Castigar le campagne che lo adora.
65E, infati, mentre tuto brila e splende,
     El se converte in negra bissabova;
     El sciroco con lu za se la intende,
     E ghe associa le nuvole che 'l trova.
     Le prime 'l sol ghe le sbaragia e sfende,
     70Coi ragi stafilandoghe la piova,
     Ma core un nembo, drudo de la note,
     A taconarghe le nuvole rote.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Raccolta_di_poesie_in_dialetto_veneziano_1845.djvu/243&oldid=68324"