Pagina:Pronostici e versi di Camillo Nalin 3.djvu/234

Da Wikisource
Sta pagina la xe stà trascrita, ma la gà ancora da vegner rileta.

     Che se azzarda mostrarghe de l'afeto,
     El ze servio che no ve digo gnente,
     E in sta parte purtropo, ve lo zuro,
     Go qualche dato, ma che ze sicuro.
75La ga po sta creatura
     Graziosa la figura,
     Le parti tute esate,
     Le carne puro late,
     Carissime manine
     80Pienote e molesine,
     Penini da putela,
     Streta de vita e snela,
     Maniere insinuanti.
     Aspeto seducente,
     85Che piase a tutiquanti,
     Ma a mi po specialmente,
     Un estro, un portamento,
     Che svegia el sentimento,
     E che faria a boconi
     90El cuor sin dei Neroni,
     Movendo el pensier pronto
     A quelo che stà sconto,
     Dove, fatalità! continuamente
     Me conduse la mente.
95Infati, lo ripeto.
     Ze Catina

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Pronostici_e_versi_di_Camillo_Nalin_3.djvu/234&oldid=57717"