Pagina:Pronostici e versi di Camillo Nalin 1.djvu/8

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.


Spizieri che ve tossega,
     Sonambuli che zira,
     Orchi, foleti, diavoli
     76Coi corni che ve impira;
Oseli che se rampega,
     Quadrupedi che svola,
     Mureli de luganega
     80Più duri de la tola;
Sorzi, scarpioni, vipere
     E ragni col boton
     Da generarve el tetano
     84Se tolè su un becon.
Come granseole i cimesi,
     Peochi tantofati,
     E cavalete e rusole
     88Più longhe dei bisati.
Se vedarà nel'adese
     A corer le balene,
     Per cause atmosferiche
     92Se aumentarà le nene;
Aparirà meteore,
     Comparirà comete,
     Se gavarà fenomeni
     96Insin soto le piete,
Ma quel che rompe l'organo
     Sto ano ghe sarà
     Dal so principio al termine
     100Dei mali in quantità:

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Pronostici_e_versi_di_Camillo_Nalin_1.djvu/8&oldid=57220"