Pagina:Poeti antichi del dialetto veneziano 2.djvu/46

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.


     Confinà in t'un Forte
     Ove 'l Sol mai ne varda e el dì co 'l core!
     La perdita è magior co' no è l'aquisto.
     Mi sempre stago tristo
     Senza vu, Sol, al scuro
     Nè a fissarme in vu no me asseguro.
     Pur quanto posso ancora vòi vardarve,
     Che sora d'ogni altro ben
     L'è aver la sorte in sen
     Nel poder qualche poco contemplarve.
     Quando abia dal Ciel oro o reame
     È un cavarme la se quando che ò fame,
     E quanto ben pol darme ogni Pianeto
     El darìa, senza vu, per un marcheto.
El resto xe una fezza, una caìa,
     Tut'è un'avanzaura,
     E vu sola se' 'l fior de drento via.
     Per farve bela el Cielo
     Tiolse el lambico, e fe' colar per elo
     Quante grazie l'avea con gran fatura
     Per man de la Natura;
     E levà via le tare,
     L'à empì d'esse la panza a vostra mare.
     Quel pì che gh'è avanzè pien de difeti
     El lo fa dispensar,
     Cussì co' se suol far
     La fava ogn'ano a i grami, a i povereti.
     El vostro esser vu sola al mondo rica

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Poeti_antichi_del_dialetto_veneziano_2.djvu/46&oldid=67886"