Pagina:Poeti antichi del dialetto veneziano 1.djvu/101

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.


Te vòi trovar un dì 'na massareta
     Che me vegnirà drio col cesto in Piazza
     21Per no lassarte star cussì soleta;
E vòi comprarte un papagà, una gazza,
     Del basegò, una zelosia, un spechio;
     24Alegrate mo adesso, e vien m'abrazza.
No far la schiavonessa, con dir nechio,
     Che se te meto po' le man atorno
     27Te pelo tuta sin al petenechio;
Ch'astu trovà, che ti crii ogni zorno,
     Da un mese in qua, da matina a sera?
     30Mi taso pur co' cato pan in forno.
Vegno straco da Piazza anca gersera
     Con menole, con ravani e salata;
     33Ti crii deboto che son stà a la guera.
O credo che con mi ti fa la gata;
     Perchè ti vedi che mi fazzo el gonzo,
     36O pur ti vol che te fazza una nata.
Varda che per la rogna mi te onzo,
     State tranquila, e tiente in cervelo
     39O no passa oto zorni che te ponzo.
Te fidistu forsi col dir che mì ò martelo?
     No sastu che per poco la me monta,
     42Che te farave de la panza un crielo?
El par ch'ogni mio mal vogia la zonta;
     Varda chi me gradisse e chi m'ingrinta
     45Che tute le rebeco per la ponta.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Poeti_antichi_del_dialetto_veneziano_1.djvu/101&oldid=64029"