Pagina:Poesie veronesi (Giovanni Ceriotto).djvu/39

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.


Fiori d'inverno


     Quando el fredo el se buta zo a bon' ora,
spassando via quei ciari e bei colori
de i pra, de i campi e che 'l se mete sora
a i boscheti, tolendoghe i udori;

     quando i pitochi i pianse la malora
e che se mete la pelissa1 i siori,
fati a ricamo nasse e sponta fora
color d'argento, tanti e tanti fiori.

     I è fiori bianchi e i nasse za ingiassadi,
sora le sese2 e sora le tirele,3
drio le rame de i albari peladi

     e de sora a i cavei de le putele,
sensa strussie, pulito e comodadi,
parchè le slusa4 e le deventa bele!

  1. pelissa: pelliccia
  2. sese: siepi
  3. tirele: viti
  4. le slusa: risplendino
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Poesie_veronesi_(Giovanni_Ceriotto).djvu/39&oldid=63961"