Pagina:Poesie veneziane del conte Francesco Cestari.djvu/41

Sta pagina la xe stà trascrita, ma la gà ancora da vegner rileta.

III.

Pur tropo fin za un mese
     Da rider me vegniva,
     Quando che a dir sentìva:
     El ga da sospirar.

Pur tropo mì credeva,
     Che al cuor se comandasse,
     Che per no amar bastasse
     El no voler amar.

Ah! che vegnù xe 'l tempo,
     Che Amor indispetío
     Vol che ghe paga el fío
     De sto mio scioco ardir.

Tanto per Nina adesso
     Fora de mì me trovo,
     Che quel che in peto provo
     Mì no ghe posso dir.