Pagina:Poesie edite ed inedite de Lodovico Pastò venezian.djvu/3

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.


RITRATO DEL AUTOR


SONETO.


Picolo de statura e forcolin,
     Negro de cavegiara tempo fà,
     Ochio da gato, naso intabacà,
     4Tinta de tera d'ombra, e zalolin.

Amigo cordialissimo del vin,
     In amor al'estremo sfortunà,
     Nè mai per questo un poco desgustà,
     8Ma pien a tute l'ore de morbin.

Conveniente, e discreto quanto un frate,
     Sobrio co no i me dà gnente da cena,
     11Gravio de molte idee; ma tute mate.

Amante de Poesia, ma senza vena,
     Curioso assae de più de dona Cate...
     14No posso farme megio co la pena.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Poesie_edite_ed_inedite_de_Lodovico_Pastò_venezian.djvu/3&oldid=63831"