Pagina:Poesie edite ed inedite de Lodovico Pastò venezian.djvu/11

Sta pagina la xe stà trascrita, ma la gà ancora da vegner rileta.

     Questo xe'l Cremor de Tartaro,
     Mi per altro mai nol dopero;
     Ma sapiè che Sior Domenego,
     El mio caro cugnadin,
     M'à zurà: perdio bachissimo
     Che'l xe un sal cavà dal Vin.
Oe, disè, quel Vin negron
     Xelo forsi del Stradon? ³
     Sì, per dia! lè lu, lè lu;
     Sielo tanto ben vegnù;
     Xe cent'ani, che l'aspeto...
     Benedeto,
     Benedeto,
     Benedeto
     Ti, e la mama, che t'à fato!
     Mi son mato per sto Vin;
     Coresin, vien qua, vien qua,
     Sì, caro, sì,
     Sì, fra ti, e mi
     Feghimo un prindese
     Stracordialissimo
     All'umanissima
     Veneratissima
     Parona amabile.
Illustre Dona ⁴ onor del vostro sesso,
     D'ogni grazia, e virtù gentil modelo,
     Ve sia propizio el Ciel, quel Ciel istesso,
     Che v'à donà quel cuor, che è tanto belo;

3