Le par da la natura fate a caso
Le par fate de strazze o de bombaso:
E co de amor sè invaso
L'è un bel vederve tapinar in piazza
E sù le ventiquatro dar la cazza
A qualche putanazza.
Come pò fe rider ai caponi
Co ve missiè coi nostri galantoni
E ve scaldè i cogioni
Per qualche bela che no xè per vù,
E messo da milord o da monsiù
Voressi parar sù
Quel tantin de negozio destinà
Apena per le mone da mercà.
Per Dio me fe pecà
Credeu mai che la vostra porcheria
Staga nascosta e publica no sia
Sior matto buzevia.
La scena che avè fato a quele dame
Un zorno che rabioso da la fame
Co tanto de polame
Come un'aseno in furia avè tentà
De sedur da birbante l'onestà? 1
Ma tuto el mondo sà
Che tute dò le ve l'à fata bela
Che una và spuà su la capela 2
L'altra la campanela 3
La s'à messo a tirar da desperada.
Per no perderla marza una menada
Che alora ve siè dada
Se vol comunemente. Ah porco infame!
Lassè una volta, lassè star le dame,
Quele povere grame.
Pagina:Poesie e satire di Pietro Buratti veneziano.pdf/78
Salta a ła navigasion
Salta a ła riserca
Sta pagina la xe stà trascrita, ma la gà ancora da vegner rileta.