Pagina:Poesie e satire di Pietro Buratti veneziano.pdf/48

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.


E a l'idea de quel gran gusto
     Che se nomina chiavar
     Me sentiva più robusto
     El mio cazzo deventar.
Ma ti spesso generosa
     Festegiando el to Poeta
     Co la man ne la pelosa
     Ti sonavì la spineta.
E batendo co la boca
     Zà convulsa i to dentini
     Te vedeva su la coca
     Piover zoso i to bei nini.
A sto quadro duro e grosso
     El mio cazzo deventava
     E corendo a ti redosso
     Pien de furia te impirava.
Qua me fermo che no vogio
     Palesar quei nostri arcani
     Se cascasse mai sto fogio
     Ne le sgrinfe dei profani.
Ghe in amar dei miscredenti
     Che lo acorda raro in dona,
     E lo nega maldicenti
     In chi fa la buzzerona.
Quasi che, quel torlo drento
     Da la sera a la matina
     Escludesse el sentimento
     In chi vende la mosina.
Lengue infami da patibolo
     Che metè le vache a mazzo
     Sapiè pur che nel postribolo
     Gh'è chi unisse el cuor al cazzo!

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Poesie_e_satire_di_Pietro_Buratti_veneziano.pdf/48&oldid=58341"