Pagina:Poesie e satire di Pietro Buratti veneziano.pdf/271

Da Wikisource
Salta a ła navigasion Salta a ła riserca
Sta pagina la xe stà trascrita, ma la gà ancora da vegner rileta.

     E pur ve inganè
Gh'è soto un perchè.
Cressendo in età
Me son svilupà
E in tropo ò pecà.
Ò scrito da chiasso
Ò scrito col grasso
E dopia lezion
M'à dà la preson.
     Ma in certe ocasion
Quel primo caratere
De sconto pudor
Se fa del mio cuor
Talmente signor,
Che torno putin
Del feudo Mestrin
E par ch'el Confiteor
Sia là per dir sù.
     E in pien sto spagheto
Me nasse nel peto
Co mì (segregà
Dal mondo purgà)
Me trovo in un circolo
De sangue filtrà
E dame purissime
E dame savissime
Corona me fà.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Poesie_e_satire_di_Pietro_Buratti_veneziano.pdf/271&oldid=58661"