Pagina:Poesie e satire di Pietro Buratti veneziano.pdf/252

Da Wikisource
Salta a ła navigasion Salta a ła riserca
Sta pagina la xe stà trascrita, ma la gà ancora da vegner rileta.
Profession de fede Poetica


AL NEVODO DANIEL GASPARI.


     Che bravo nevodo!
Che caro sestin!
To barba và in brodo,
E al to bichierin
L'unisse devoto
Slongandose el Goto!
     Daniel bevi ti
Che bevo anca mi!
Oh bravo cussì!
Poeta in sto dì
Te vogio istalar
Daniel no tremar.
     Voi mi presentarte
Al Nume de l'arte,
No crederme slapa
Co l'estro ne chiapa
Se viazza anca in tola,
Se core se svola.
     Daniel varda in sù!
No semo più nù
Spario xe to Pare
Sparia xè to mare
No gh'è più laguna,
Ma luse la luna.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Poesie_e_satire_di_Pietro_Buratti_veneziano.pdf/252&oldid=58646"