Pagina:Poesie e satire di Pietro Buratti veneziano.pdf/205

Da Wikisource
Salta a ła navigasion Salta a ła riserca
Sta pagina la xe stà trascrita, ma la gà ancora da vegner rileta.

Scarpa svelta dove articola
     Senza pena un bel penin
     Co la sciola che ghe scricola
     Viva el Conte Dalmatin!
Viva l'omo da cartelo
     Che dai circoli d'Albion
     Vien tra l'ostreghe modelo
     De la fina educazion!
Che sicuro del so merito
     Da Florian in dì de festa
     Pusa al banco el so preterito
     Per de l'ore fermo el resta!
Che ama tuti, ma no sporca
     Mai co l'omo la so boca 16
     (De Venezia usanza porca
     Dove tuti basa e toca.)
Ma la man col guanto zalo
     Sporse fredo a qualche amigo
     Duro duro come un palo
     Quasi in ombra del nemigo.
Piazza mio se vù savessi
     Certi anedoti segreti
     Forsi in bon ve tegneressi
     De far lega coi poeti.
Quante lune in certi Inglesi
     Che se va cazzando in rio
     Per averli tuti spesi
     Che no pol tegnirve drio.
Che studiando e ristudiando
     La riforma col Sartor 17
     De Domenega va ocando
     Pensierosi al Redentor!

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Poesie_e_satire_di_Pietro_Buratti_veneziano.pdf/205&oldid=58622"