La camisa tre dei fora 12
Co le punte aguzze assae
(Gran disgiazia, gran malora
Per chi in tondo la tagiae!)
Gilè bianco de pichet
A la faschionable tagià 13
Se mai panza vù cerchè
I milordi no ghe n'à.
Anzi conscia la natura
Da l'inglese desgrezada
Che nel fior de la coltura
Gera a Piazza riservada.
La l'à fato cussì suto 14
Che per panza artifizial
Vu toressi de sto puto
La caverna natural.
Ne ben curto, ne ben longo
Ma cussì tra el gnich el gnach
Dei color che regna al Congo
Voi dir negro un caro frach.
Largo in gamba, in cossa streto
D'ugual pezza el pantalon
Calza negra col buseto 15
(Chi no intende xè un cogion)
El mio Conte no xè un roto
Vogio dir col so traforo
Che se gh'è la carne soto
La se cambia in calza d'oro.
E se un'altra calza ghè
Fra el ganzànte ve da fora
Un mischieto frazonè
Che ve incanta e ve inamora.
Pagina:Poesie e satire di Pietro Buratti veneziano.pdf/204
Salta a ła navigasion
Salta a ła riserca
Sta pagina la xe stà trascrita, ma la gà ancora da vegner rileta.