Cole crespe sul davanti
Vulgo creste per andar 9
Come a Londra fa i galanti
No so cossa a cavalcar.
Che abondanza no gh'è quà
De bucefali da monta
Ma el mio Piazza infatuà
Da la regola no smonta.
E l'è certo compatibile
Se invasà de quel paese
Nel furor del so irascibiie
El conserva l'uso inglese.
Questa xè de la matina
La comparsa anglo-cosaca
Metua fresca, metua fina
Da robar le mone a maca.
Vardè pò come la sera
Per i nobili de l'Istro 10
Che lo acoglie e ghe fo ciera
Cambia el zovene registro.
No so dirve de che pelo
Ma de cuba larga in alto
Un belissimo capelo
Che dà al muso un gran risalto.
Longa chioma da drio via
Che se sconde per zogheto 11
In do ordini spartia
Nel gran mar del fazzoletto.
Sempre al colo el so ninziol
Messo là con tanto brio
Che per meterlo ghe vol
Diria quasi fausto un Dio.
Pagina:Poesie e satire di Pietro Buratti veneziano.pdf/203
Salta a ła navigasion
Salta a ła riserca
Sta pagina la xe stà trascrita, ma la gà ancora da vegner rileta.