Pagina:Poesie e satire di Pietro Buratti veneziano.pdf/202

Da Wikisource
Salta a ła navigasion Salta a ła riserca
Sta pagina la xe stà trascrita, ma la gà ancora da vegner rileta.

Che dafar per contemplarve
     Che impazienza nel bel mondo
     Per tocarve, per parlarve
     Per conoscerne de fondo,
Longo apena el sora tuto
     Quatro dei soto el zenochio
     Streto streto, suto suto 8
     Alto in vita, e svelto al ochio.
Color Zupa riprovà
     Dal bon gusto universal
     Ma che a Londra xè adotà
     Da quei pochi che gà sal.
Gran veludo per colar
     Che sul peto vien zò belo
     E và proprio a terminar
     Un deolin soto el cavielo.
Fazzoleto col perlin
     Che risparmia la secada
     Ognì di zà che le fin
     De ripeter la lavada.
Longo più de quatro brazza
     Da poder se mai se vol
     Tor in leto una regazza
     Convertirlo in t'un Ninziol.
Gropo basso, gropo molo
     Coi do cai messi a bombè
     Soto el negro, faglio colo
     Candidissimo un gilè.
Stivai curti, e imensamente
     Larghi sora i pantaloni
     Dove bala alegramente
     Del mio nobile i cogioni.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Poesie_e_satire_di_Pietro_Buratti_veneziano.pdf/202&oldid=58619"