Pagina:Poesie e satire di Pietro Buratti veneziano.pdf/201

Da Wikisource
Salta a ła navigasion Salta a ła riserca
Sta pagina la xe stà trascrita, ma la gà ancora da vegner rileta.

E là in catedra sentà
     Con un cefo pensator
     Chiara fe la nobiltà
     D'un Inglese viagiator.
Bravo Piazza tegnì duro
     Senza spine no ghè gloria
     El trionfo xè sicuro
     Gavè in pugno la Vitoria.
Vardè come tuti a gara
     I moderni zerbinoti 7
     De l'Inglese conte Zara
     Và studiando i sesti i moti.
Son famoso in paragoni
     (Perdoneme Conte mio)
     A veder sti galantoni
     Che ve cerca e ve vien drio.
Me parè... lo devio dir?
     Fresca fresca una boazza
     Cocolada al comparir
     Da le mosche d'ogni razza.
Che se mai l'idea de merda
     Conte mio ve urtasse el naso
     No credessi che se perda
     Chi xè vecchio nel Parnaso
Da la tera salto al cielo
     E un bel astro vedo in vù
     Che a la note rompe el velo
     E che incanta i turlulù.
A l'arivo momentaneo
     Del mio reduce Schiavon
     Che scompiglio subitaneo
     Ne le zizole de ton.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Poesie_e_satire_di_Pietro_Buratti_veneziano.pdf/201&oldid=58618"