Pagina:Poesie e satire di Pietro Buratti veneziano.pdf/191

Da Wikisource
Salta a ła navigasion Salta a ła riserca
Sta pagina la xe stà trascrita, ma la gà ancora da vegner rileta.

Ma la bela mal pagada 9
     Del so barba se ributa
     E la resta a boca suta
     Costo sfarzo da signor,
De graziosi anedotini
     Farte quà la litania
     Bel putelo poderia
     Se volesse tuto dir.
Ma l'abuso de le chiacole
     Pol urtar el to cervelo,
     Ti ga vogia bel putelo
     Zà lo vedo, de dormir.
Dormi caro, dormi in pase
     Ma del lord el terzo voto
     Credi pur che no l'è un loto
     Da augurarte, bel bambin.
Da quà un'ano un tomo in fogio
     Te preparo sul sogeto
     Perchè mai te nassa in peto
     Volontà de quel morbin.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Poesie_e_satire_di_Pietro_Buratti_veneziano.pdf/191&oldid=58610"