Pagina:Poesie e satire di Pietro Buratti veneziano.pdf/190

Da Wikisource
Sta pagina la xe stà trascrita, ma la gà ancora da vegner rileta.

Ma i t'ingana, bel putelo,
     Co ninandote la cuna
     I te brama per fortuna
     Un morbin che fà tremar.
L'è un morbin, te lo ripeto
     Che missià co l'inglesismo
     Gà per base un ludronismo
     El più porco el più bestial.
No ghe è ebreo che ghe la impata
     Nei so calcoli secreti,
     L'è un morbin robà dai gheti
     Che radopia el capital.
Morbinosi turcimani
     Gà el mio Conte al so comando
     Che và sordi stochizzando
     Dove geme povertà.
Pegno in man domanda el Conte,
     E co el trenta i ghe assicura
     El de più per la fatura
     Del mezan vien calcolà.
Ride el Conte, e co un bel zorno
     Vien segnà da sto contrato
     Se ghe mola al Conte mato
     La direa dei so bomò. 6
D'edizion oltramontane
     L'arichisse la scanzia 7
     E sunando in libreria
     El và i fiori de Rousseau.
Viglietini de matina
     Sfioca in carta a filo d'oro
     Presentai da un servo moro 8
     A la bela del so cuor.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Poesie_e_satire_di_Pietro_Buratti_veneziano.pdf/190&oldid=58608"