Pagina:Poesie e satire di Pietro Buratti veneziano.pdf/182

Da Wikisource
Salta a ła navigasion Salta a ła riserca
Sta pagina la xe stà trascrita, ma la gà ancora da vegner rileta.

Venì donca sior Bastaso,
     Ne fe l'aseno, ve prego,
     E mostrè che gà bon naso
     Chi v'à dà sto bel impiego.
Da che libero xè el mar
     No s'à visto tante ceste
     In dogana capitar
     E de zizole, e de creste 29
De lasagne e larghe e strete
     Gh'è una fraca buzerona,
     Ghe xè Coli, gh'è Cessete
     Venì presto da Verona.
Senza capo i vostri puti
     Perdè zà la tramontana,
     I fachini ziga tuti
     Quando vienlo sto putana?
Toca a vù mostrar el muso
     Come bulo, e diretor
     Toca a vù meter in uso
     Corpo e sangue del Signor.
Toca a vù de palesar
     Che podè co sto talento
     I tre fiaschi riparar
     Che xè publico argomento.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Poesie_e_satire_di_Pietro_Buratti_veneziano.pdf/182&oldid=58599"