Pagina:Poesie e satire di Pietro Buratti veneziano.pdf/181

Da Wikisource
Salta a ła navigasion Salta a ła riserca
Sta pagina la xe stà trascrita, ma la gà ancora da vegner rileta.

Per butarve in t'un canton
     Per valer manco d'un cavalo
     Basta dir che la rason
     Xè decisa per el piavolo. 25
Donca tuti co un eviva
     Xè d'acordo persuasi
     Che ve seta in carne viva
     L'esser capo dei Bastasi. 26
Che figura più putana
     Che più bravo comandante
     No abia avudo la Dogana
     In Paese negoziante.
General xè l'opinion
     Che più forti al paragon
     Fusse Tita Sgamberlon 27
     L'Anaroto el Mandolon.
Tre colossi Pagi in Corte
     Che brogiava a tuto andar
     Per poder dal Duca in sorte
     La gran carica Scrocar.
Ma el gran Duca, inzegno grando
     Bada ai meriti reali,
     E condana a star de bando
     I tre Pagi materiali:
El gran Duca no xè un coca
     E gà piasso, e gà ferio
     El sentier che gavè in boca
     Sempre un bel corpo de Dio.
Che in burasca in teremoto
     Ve slanzè de quà de là,
     De Messina che amè el goto 28
     Che se un ludro pien de fià,

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Poesie_e_satire_di_Pietro_Buratti_veneziano.pdf/181&oldid=58602"