No se conta una passion
Che sia degna da cartelo,
Ma dei tiri da cogion
Dei sempiezzi da putelo.
Se pretende amor senz'ale 19
Quel amor da bon merloto
Che del carro ne la cale
Ve teniva sempre in moto.
Che a solievo d'un spezier
Destinà dal caro Boca 20
Ve cambiava in infermier
In polsista, in dotor coca,
Che v'à fato bater sodo 21
Per dei mesi e sisparmiar
Piantà là come da un chiodo
Pene, carta, e calamar,
Che v'à indoto note e zorno
Con quel ton da mezzo vasco 22
A condur servente intorno
La tirana del gran fiasco.
E che tal infati el sia
Prova xè che dal tesoro
In sti zorni sé andà via
Co una bela piova d'oro. 23
Don gentil del padre Giove
Perchè el regno de le bele
Sapia tuto con che prove
Momi incanta le putele.
Quà comincia el terzo ponto
De matura alquanto critico:
Son prudente e tegno sconto
El paragrafo polìtico. 24
Pagina:Poesie e satire di Pietro Buratti veneziano.pdf/180
Salta a ła navigasion
Salta a ła riserca
Sta pagina la xe stà trascrita, ma la gà ancora da vegner rileta.