Pagina:Poesie e satire di Pietro Buratti veneziano.pdf/179

Da Wikisource
Salta a ła navigasion Salta a ła riserca
Sta pagina la xe stà trascrita, ma la gà ancora da vegner rileta.

Se ve nega in primo logo
     De poeta la corona,
     E se dise che quel fogo
     L'è da piazza o sia da mona.
Se vol priva d'invenzion
     L'ode per la Corallì 14
     Se vol fiaca la canzon
     De la Nana sul pipì 15
El lamento de la Piavola 16
     Se ricorda con piacer
     Perchè i sà, ne la xè favola
     Che una man và da el spezier.
Ma quel Salmo per Marieta 17
     E dai doti, e dai non doti
     Per cagnera maledeta
     Se batizza a pieni voti.
Se riflete, e se ve acusa
     D'aver quà prostituio
     I favori de la musa
     Per un capo descusio, 18
Bestia a segno d'esaltar
     Tete e fianchi de una dona
     Che vol vecchia civetar
     Che pol esser vostra nona.
Primo ponto che ve scarta
     Dei poeti da la riga;
     Quà el gran Duca volta carta
     E vien dopo amori e figa.
Con quel cazzo formidabile
     Che natura in don v'à dà
     No se conta un capo amabile
     Veramente conquistà,

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Poesie_e_satire_di_Pietro_Buratti_veneziano.pdf/179&oldid=58596"