Pagina:Poesie e satire di Pietro Buratti veneziano.pdf/147

Da Wikisource
Salta a ła navigasion Salta a ła riserca
Sta pagina la xe stà trascrita, ma la gà ancora da vegner rileta.

Che me sento Nane caro!
Quel manzeto... quel somaro....
Quele piegore....

Nane

(impazientandose)


                    Mo ascolta
Bada al serio sta racolta.
I anzoleti drento e fora
Su chitare tute d'oro
Gloria a lù, cantava in coro,
Che no xe a nessun secondo,
Al Paron de tuto el mondo.
Rè de polvere umilieve!
No tra i vostri palazzoni
Ma tra el fumo dei casoni (con trasporto)
Va batendo le brochete
Chi gà in pugno le saete. —

Clementina

Ti te scaldi, zestu mato (guardandolo)
Mi no credo che i oseleti....

Nane

I oseleti nò, i anzoleti...

Clementina

Quei putini, picinini
I xè tanto cantarini?

Nane

O finimola, rifleti
Che a l'esempio di quel cuor
Che à mostrà per nù el Signor (serio)
Deve el nostro con più afeto
Adorar quel caro ambeto,
Che ti vedi sentà là,

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Poesie_e_satire_di_Pietro_Buratti_veneziano.pdf/147&oldid=58495"