Nane
Và benon, cussì me godo
Che ti pensi un poco al sodo. —
Clementina
(in aria distrata)
Ma quel bò quel asenelo
Xei venudi zò dal cielo?
Nane
Mo te par? i gera in tera
E i xè corsi a la capana
Per scaldarghe un fià la nana
A Gesù co l'à zigà
Nato apena oà oà.
Clementina
De quei bò, dei quei somari,
Servizievoli de fondo
No ghe n'è più adesso al mondo
No xè vero Nane mio? —
Nane
L'à permesso alora un Dio
E un miracolo l'è stà
Per mostrar a tuti i gnochi
Che confuso coi pitochi,
No podeva certo andar
Chi comanda al cielo e al mar.
E per questo el so corpeto
Gera tanto lusariol
Che levà credendo el sol
I pastori a calze mole
Xe restai senza parole.
Clementina
O che vogia de presepio
