Dialogo fra Nane e Clementina, uno di sei anni, e l'altra di quattro, allusivo alla Festa del Santissimo Natale.
Nane fa il Maestro a Clementina, intanto che questa si occupa di unire un mazzetto di fiori da regalare a sua madre.
Nane
Co sto can borineto
Che ne giazza le buele
Chi à calà zo da le stele
Per l'amor che el gà per nù? —
Clementina
Un bambin chiamà Gesù.
Nane
Fio de chi?
Clementina
Mo dame tempo,
So intrigada con quel terno. —
Nane
Zuca via... del Padre eterno. —
Clementina
Me recordo sì ch'el và
In capel sempre pontà. —
Nane
Che matezzi! xe i pitori
Che ghe zonta quel capelo,
Come scherzo del penelo
Xè cambiar l'amor divin
In un puro colombini.
