E vù ne andè supiando a tuti in rechia
Che l'opera omnia xè zà bela in pronto
Che un lavoro se pol dirlo a la vechia 18
Che per la stampa el soventor xè pronto. 19
Piaserà l'ode intitolada i riti 20
Fra i colti citadini de Bertiolo
Ma el padre general dei gesuiti 21
A lodar Sanazzaro sarà el solo.
Sò che panchia vù sè, sò ch'el ve sbroda
Chiamandove el so Ipofilo simpatico,
Ma un padre general no xè più in moda
E un gesuita spuzza da aromatico.
E me despiase che sta spuzza adosso
Se ve taca ogni zorno più che mai,
Che la gavè cazzada fin ne l'osso
Da ridur chi ve nasa desperai.
Che nel fior de l'età la più ridente
Un secolo gavè piantà sul muso,
Un sardonico viso impertinente
Un ton de società che xè in disuso,
Un vestiario sorbìo da mezzo avaro,
Un che de ranzignà che rompe el toni,
Proprio d'un tradutor de Sanazzaro
Idest del più gran secacogioni.
Ipofilo ò finio, no storzè i denti,
Fede al zeroto... l'è bonin per Dio
Nol manca de nissun dei so ingredienti
Tegnilo sù do zorni e sè guario.
