Che un trotolo che spuzza da pissin
No pol che meritarse i scopeloti
S'el vol puzar per tuto el so martin
E torse una carega in mezzo ai doti.
De sti principi generali adesso
Femo l'aplicazion sora de vù 5
Ipofileto mio, che in dubio sesso
Mostrè un ermafroditica virtù.
Vù se sui ventiquatro a mala pena
Ne i deve esser de più, se mai natura
Per farve comparir dopia sirena
No v'à levà i testicoli a dretura.
Dubio che à imaginà qualche indiscreto
No vedendove ancora un fil de barba,
E savendo che come un musicheto
Storzè el muso, e bevè spesso la garba.
Co sto esterno felice, e co la zonta
Dei ventiquatro, età da compassion
De tuto fe perchè no staga sconta
La smania che xè propria del cogion
Quela cioè de crederve in dirito
De montar su la catedra del gusto,
De alzar la testa e de intimarne un zito
Come Tuca nel secolo d'Augusto. 6
Ma gh'è chi cambia el t per dirve zuca
A solarte le braghe impara prima
De voler tra de nù farla da Tuca
E meter la to pezza in prosa e in rima
Ne i dise mal, che al vechio leterato
Se desdise ambizion, de certo intopo
A la gloria la xè del puto mato
Che vol la rana scimiotar de Esopo.
