Pagina:Poesie e satire di Pietro Buratti veneziano.pdf/129

Da Wikisource
Salta a ła navigasion Salta a ła riserca
Sta pagina la xe stà trascrita, ma la gà ancora da vegner rileta.

Coi fioli da scopole
     Vendui dai so pari
     Serviva al postribolo
     De scrochi da bari.
Co gera de vitime
     Rechiamo inosenza
     A quela zirandola
     De piaghe semenza.
Co soto l'auspizio
     De un mostro imoral
     Marchiava lusuria
     In caro trionfal.
Ma adesso che l'ordine
     Xè nato tra nù
     Che luse più libera
     Nei cuor la virtù.
Che a note tardissima
     No più da Florian
     Del zogo se numera
     I colpi de man.
Che là quei carnefici
     Piantai su la maca
     No mostra a le vìtime
     Scoverta la vaca.
Che senza pericolo
     De un ladro vicin
     Pol l'omo pacifico
     Pusar el martin.
Che più no formigola
     I ebrei sui cafè
     Che Cristo se calcola
     Magior de Moisè.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Poesie_e_satire_di_Pietro_Buratti_veneziano.pdf/129&oldid=58355"