Pagina:Poesie e satire di Pietro Buratti veneziano.pdf/128

Da Wikisource
Salta a ła navigasion Salta a ła riserca
Sta pagina la xe stà trascrita, ma la gà ancora da vegner rileta.
TRIBADE SECONDA
Al cazzo d'Ancillo.


O cazzo durissimo
     Da culi e da pote
     Onor de quel etico
     Che chiava dì e note,
Via metite in ordine
     Che nova congiura
     Per man de la tribade
     Ne fa la natura
Intendime cocolo;
     Voi dirte la mona
     De quel israelitica
     Infame ludrona,
Che de le mie satire
     Forbindose el culo
     Do soldi no calcola
     Un cazzo da mulo,
E in brazzo a la comica,
     Zà fata so amiga
     De nìni ghe sbrodega
     (Oh infamia!) la figa.
Pazienza sti scandali
     Co in voga i pecai
     S'à visto tra i Vandali
     Francesi chiamai!
Co soto la maschera
     Missiae co le vache
     Le dame più in credito
     Slargava le slache,

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Poesie_e_satire_di_Pietro_Buratti_veneziano.pdf/128&oldid=58354"