Mola el lavor
Dan dan! — Bati le oto,
Mola el lavor e vien,
Varda che bela sera,
Varda che ciel seren.
Dan dan! Bati l’orloio,
E fa tic-tac el cor,
Fa presto mio tesoro,
Andemo far l'amor.
Camina, camina,
Andemo al averto
Al bosco dei pini
Xe tuto un concerto;
Camina, camina,
Fa el grilo cri-cri!
E un grilo che canta
Go in testa anca mi.
L’orloio co se ferma
Se torna carigar,
Ma el tempo no se cariga,
Nè se lo pol fermar.
E finchè amor ne scalda
