Pagina:Levi - Versi in dialetto triestino.djvu/24

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.



A Giuseppe Caprin


     Mi te bato le man, te sufio soto,
Te xe sta nanca bravo, orca mastela,
De svodarghe del premio el scudeloto,
Grazie al’ opera tua nobile e bela!

     Zerto a Mamon ti no ti xe devoto,
Ma se i vien ti impinissi la scarsela,
E sicome el tuo nome no xe ignoto
El lauro ti ghe lassi a la padela.

     Bravo Caprin, xe un premio merità,
E più de qualchidun d’invidia cica,
E invelenarte te voria col fià.

     Mi inveze godo de sta tua vitoria,
E speto che ti mandi qualche flica,
Per bever al tuo nome e ala tua gloria.1

  1. L'insigne amico mi mandò tosto 18 centesimi — che io trattenni — accompagnati dal seguente bigliettino: «Al peloso triestino, per un quarto di trentasei.»
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Levi_-_Versi_in_dialetto_triestino.djvu/24&oldid=69289"