San Giusto
Xe secoli passai, ma cara e bela
Dileta ciesa ti xe sempre là,
Amor, speranza, luminosa stela
Che indora coi sui ragi la cità.
I archi, i simulacri a noi ne svela
Chi forte, immortal vita te ga dà;
Nè tempo, nè nemizi no cancela
El nasser tuo, la tua italianità.
Quando sona a distesa el campanon,
E el prete dal aitar stendi le man
Dando ai devoti la benedizion.
Le imagini dei santi ga un soriso,
Perchè, no ghe xe dubio, l’italian
Xe la lingua che i parla in paradiso.
