El pensa note e zorno ala so fiama, el pena,
El sofre alegramente la so bela caena,
E po'... el più dele volte... la dona ch'el ga in cuor,
320Ride drento de ela del gnoco adorator.
Ah done, done, done...
NINA
- Tita, me fe' l'efeto...
De quela sera.
TITA
- Quala?
NINA
- Quela del minueto.
TITA
Sì, parléghene ancora...
NINA
- Eh! caro Tita, ormai
- Eh! caro Tita, ormai
Sì... digo... dei aneti ne xe sul cuor passai.
TITA
325El mio cuor xe l'istesso... ma vu, vu, se' cambiada.
NINA
Ohe Tita, quanto fogo soto sta nevegada!
TITA
El fogo... l'avé subito pena impizzà stuà,
O, megio, gavé finto de averlo un dì impizzà.
NINA
Tita, no ve permeto...
TITA
- Cossa? no go razon?
- Cossa? no go razon?
330Voleu darme da intendar de aver abuo passion?
