Volesse el Ciel, che capitasse adesso
Un partio de mio gusto;
Son tanto invelenada
Che me vorave maridar quà in strada:
Ma vien quel canapiolo
Quel scartozzo monziù del sior Cassandro
Combattuo dall'amor, e dalla fame,
El me fa el casca morto
Ma mi co sti siorassi no voi trarme.
Onde vogglio cavarme. (vol partir
Cas. Ehi Signora Bettina (incontra Cas.
Lucidissima stella
Del veneto emisfero
Perchè fugge così? Perchè si rato
Vuol portar da me lungi il piede ingrato.
Bet. Strissimo sior Cassandro, in verità
Non l'aveva osservà.
Cas. A voce assai più grata
Del canto di Sirenna, e meno infida
Onde amor mi ferisce, e par che rida,
Bat. Questa xe so bontà (sia maledetto.
Se intendo una parola.
Cas. E quando mai
L'oro scopo gentil del suo sembiante
Vorrà render felice un cuor amnte.
Bet. Anzi lei, sior Cassandro, el me confonde
Con tante cerimonie, e complimenti.
Cas. Io dir volea.
Che se vu signoria m'ode pietosa
Vuol scoprirgli la fiamma in seno ascosa
Bet. Vorla che mi ghe diga in do parole?
Mi per far cerimonie non so nata
E non voggio con lù deventar mata.
(Vuol partire Cassandro la trattiene)
Cas. Deh si fermi un momento
Pagina:Intermezzo di Cassandro cavalier affettato e di Betta ragazza veneziana.pdf/4
Sta pagina la xe stà trascrita, ma la gà ancora da vegner rileta.