INTERMEZZO I.
CASSANDRO CAVALLIER AFFETTATO
BETTA RAGAZZA VENEZIANA.
Betta. SON ressolta maridarme.
Che no voi più star soggetta,
E si ben son poveretta
Voi trovarme un bel Mario.
Ch'el sia ricco, no me importa,
Basta ben ch'el sia perfetto,
Ch'el sia forte, e zovenetto,
E lo voggìo da par mio.
E quattro anni fenj, che sia Mare
Me disse: Betta cara
Te voggio marídar un de sti zorni,
Ma sto zorno per mi no xè vegnù
E sento che aspettar non posso più.
Sìora mare me burla.
E mi farò da senno,
Perchè se stago troppo
A sazia sto mio appetìto
Perdo la zoventù senza profitto.
