Pagina:In gondoleta.pdf/86

ADIO!

---

Adio, povari versi, abandonai
     Come liziere piume in brazzo al vento....¹
     Adio! 'ndè via no podarò dir mai
     4La tristezza che in cuor desso me sento.

Vu se' mio sangue; vu se' destacai²
     Tochi del mio cuor³ zovene e contento;
     Vu se' intimi amici afezionai
     8Che de lassar, purtropo xe 'l momento....

Vardè el bianco cocal: sicuro, atento,
     Su la laguna queta voltegiando,
     11Tanto tempo el se mostra a l'ocio mio;

Fe come lu! Mi nel lassarve, al vento
     De la laguna mia ve racomando....
     14Libréve in alto tanto tempo!... Adio!...

---

1. come liziere piume in brazo al vento = come leggere piume in braccio al vento.
2. destacai = staccati.
3. tochi del mio cuor = brani del mio cuore.