Pagina:In gondoleta.pdf/72

Se in pressa¹ mi supio²
     El mio venteselo,
     Dei riçi³ biondissimi
     28Se move su e zo
     El viso de un anzolo
     Se mostra più belo
     Se i riçi, movendose,
     32Ve dise: Sì e no.

Nel moto mio solito
     Che cresse, che cala,
     Me mostro volubile,
     36Liziera, zentil
     A un'ala somegio⁴
     De bionda farfala
     Che svola ne l'aria
     40In magio o in april.

'Sta vita belissima
     Per mi sempre dura
     Finchè bela e splendida
     44Ancora mi son....
     Co' 'rivo a essar vecia
     Nissun più me cura,
     E son messa in pevare⁵
     48In fondo a un casson.

---

1. se in pressa = se in furia.
2. supio = soffio.
3. riçi = riccioli.
4. somegio = assomiglio.
5. messa in pevare = messa in riposo, abbandonata.