Pagina:In gondoleta.pdf/70

Da Wikisource
Sta pagina la xe stà trascrita, ma la gà ancora da vegner rileta.


No so perchè, ma quela
     Gondola che sul mar presto va via
     Nera, zentil e snela,
     Dei sentimenti strambi1 me dà al cuor;
                         Ela a l'anema mia
     24Parla d'amor zentil e de dolor.

Dentro ela, tosi amanti
     Unisse,2 forse, in uno i so' do cuori,
     Do cuori palpitanti
     Che nel sogno d'amor i va sul mar;
                         Soto quel felze, lori3
     30Fora del mondo i se sente portar.

Ma tanta vita penso
     Che forse no ghe xe nel felze nero;
     Forse, sul mar imenso
     Un morto, povareto, vien portà
                         Lontan, co quel mistero,
     36Sul mar lisso, paçifico, incantà!...

Prima, me par che stele
     E luna ai tosi amanti amar le diga;
     Me par che, bionde e bele,
     Le canta insieme a l'aria ini d'amor....
                         Dopo, me par le ziga
     42Le orazïon dei morti e del dolor.

De dentro, zentil cuna4
     Del caro amor me par la gondoleta
     Che va su la laguna;
     De fora,5 nera tomba la me par....
                         Ride o pianze l'arieta
     48Su la pase infinia de 'sto mio mar....

  1. strambi = strani.
  2. unisse = uniscono.
  3. lori = essi.
  4. cuna = culla.
  5. de fora = di fuori.
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:In_gondoleta.pdf/70&oldid=60151"